Foydalanish shartlari

1. Xizmat

Oshxona — restoran va kafelar uchun brauzer orqali ishlaydigan buyurtma, kassa va hisobot dasturi. U stollar boʻyicha buyurtma olish, chek chiqarish, toʻlovlarni qayd etish, harajatlarni yozib borish va savdo hisobotlarini koʻrish imkonini beradi.

Dastur internet orqali yoki restoranning oʻz kompyuteriga oʻrnatilgan holda mahalliy tarmoqda ishlashi mumkin. Dastur imkoniyatlari vaqt oʻtishi bilan yangilanib, oʻzgarib borishi mumkin.

2. Hisob va xodimlar

• Roʻyxatdan oʻtishda toʻgʻri va dolzarb maʼlumotlarni kiriting.
• Login va parolingizni boshqalarga bermang. Hisobingiz orqali amalga oshirilgan harakatlar uchun siz javobgarsiz.
• Administrator xodimlarni qoʻshadi, ularning rolini va ruxsatlarini belgilaydi hamda ularning dasturdan toʻgʻri foydalanishi uchun javob beradi.
• Hisobingizdan ruxsatsiz foydalanilganini sezsangiz, darhol parolni almashtiring va bizga xabar bering.

3. Bepul sinov

Yangi roʻyxatdan oʻtgan restoran saytda koʻrsatilgan muddat davomida dasturdan bepul foydalanadi. Sinov uchun karta maʼlumotlari talab qilinmaydi. Sinov muddati tugagach, dasturdan foydalanishni davom ettirish uchun obunani rasmiylashtirish kerak.

4. Tariflar va toʻlov

• Tariflar va narxlar saytning «Narx» boʻlimida koʻrsatilgan. Enterprise tarifining narxi va shartlari alohida kelishiladi.
• Toʻlov uchun biz bilan bogʻlanasiz. Toʻlovdan soʻng obuna uzaytiriladi yoki sizga litsenziya kodi beriladi — uni dasturdagi «Restoran va obuna» sahifasida kiritasiz.
• Obuna muddati tugagach, u uzaytirilgunga qadar dasturga kirish cheklanadi. Maʼlumotlaringiz bu vaqtda oʻchirilmaydi.
• Narxlar oʻzgarishi mumkin. Yangi narx allaqachon toʻlangan davrga taʼsir qilmaydi.

5. Ruxsat etilmagan harakatlar

Dasturdan foydalanishda quyidagilar taqiqlanadi:

• dasturni qonunga zid maqsadlarda ishlatish;
• boshqa restoranlarning maʼlumotlariga kirishga yoki tizim himoyasini chetlab oʻtishga urinish;
• dastur ishini buzishi yoki serverga ortiqcha yuklama berishi mumkin boʻlgan harakatlar;
• dasturni yoki uning kodini ruxsatsiz nusxalash, oʻzgartirish, sotish yoki boshqalarga tarqatish;
• litsenziya kodlarini boshqa restoranlarga berish yoki sotish.

6. Maʼlumotlar

Restoran dasturga kiritgan maʼlumotlar — menyu, buyurtmalar, hisobotlar va boshqalar — restoranning oʻziga tegishli. Ularning toʻgʻriligi uchun restoran javob beradi. Biz bu maʼlumotlarni Maxfiylik siyosatiga muvofiq qayta ishlaymiz.

Dastur restoranning oʻz kompyuteriga oʻrnatilgan boʻlsa, maʼlumotlarning zaxira nusxasini olish va kompyuterni himoya qilish restoran zimmasida.

7. Intellektual mulk

Oshxona dasturi, uning kodi, dizayni, nomi va logotipi mualliflarga tegishli. Obuna sizga dasturdan oʻz restoraningizda foydalanish huquqini beradi, lekin dasturga egalik huquqini bermaydi.

8. Javobgarlik

Biz dasturning barqaror ishlashi uchun harakat qilamiz, ammo uning hech qachon uzilishsiz yoki xatosiz ishlashini kafolatlay olmaymiz. Biz quyidagilar uchun javob bermaymiz:

• internet, elektr taʼminoti, kompyuter, printer yoki boshqa uskunalardagi nosozliklar sababli yuzaga kelgan uzilishlar;
• xodimlar tomonidan notoʻgʻri kiritilgan maʼlumotlar yoki login va parolning boshqalarga berilishi oqibatlari;
• bilvosita zararlar, jumladan boy berilgan foyda.

9. Foydalanishni toʻxtatish

Siz dasturdan foydalanishni istalgan vaqtda toʻxtatishingiz mumkin. Hisobingiz va maʼlumotlaringizni oʻchirish uchun bizga yozing.

Ushbu shartlar qoʻpol buzilgan taqdirda biz hisobga kirishni cheklashimiz yoki toʻxtatishimiz mumkin.

10. Shartlardagi oʻzgarishlar

Ushbu shartlar yangilanishi mumkin. Oʻzgarishlar shu sahifada eʼlon qilinadi va yuqoridagi «Oxirgi yangilanish» sanasi oʻzgartiriladi. Oʻzgarishlardan keyin dasturdan foydalanishni davom ettirsangiz, yangi shartlarni qabul qilgan hisoblanasiz.

11. Nizolarni hal qilish

Nizolar avvalo muzokaralar yoʻli bilan hal qilinadi. Kelishuvga erishilmasa, nizo Oʻzbekiston Respublikasi qonunchiligiga muvofiq hal qilinadi.

12. Biz bilan bogʻlanish

Savollaringiz yoki soʻrovlaringiz boʻlsa, quyidagi kontaktlar orqali bogʻlaning:

• +998 90 061 67 04
• Telegram: @tillo_khamdamov_admin